مصر: منشیات کیس میں ٹی وی میزبان سارہ خلیفہ سمیت 12 افراد کو سزائے موت

قاہرہ: مصر کی ایک فوجداری عدالت نے بین الاقوامی منشیات سمگلنگ اور تیاری کے کیس میں معروف ٹی وی میزبان سارہ خلیفہ سمیت 12 افراد کو سزائے موت کا حکم سنا دیا ہے۔

عرب میڈیا اور مصری سرکاری اخبار ‘الاہرام’ کے مطابق عدالت نے قرار دیا کہ ملزمان ایک ایسے منظم الجرائم گروہ کے ساتھ منسلک تھے جو منشیات کی تیاری کے لیے خام مال بیرونِ ملک سے برآمد کرتا تھا اور بعد ازاں اسے تیار کر کے ملکی و بین الاقوامی مارکیٹ میں فروخت کرتا تھا۔ مصری سیکیورٹی حکام نے کارروائی کرتے ہوئے ملزمان کے قبضے سے 750 کلوگرام سے زائد اعلیٰ کوالٹی کی منشیات، خام مال اور غیر قانونی اسلاحہ و گولہ بارود برآمد کیا تھا۔

سماعت کے دوران استغاثہ نے 20 گواہوں کے بیانات اور اہم الیکٹرانک شواہد—بشمول آڈیو ریکارڈنگز اور ویڈیو کلپس—عدالت میں پیش کیے۔ اگرچہ ٹی وی میزبان سارہ خلیفہ نے اپنے خلاف تمام الزامات کو مسترد کیا ہے، تاہم عدالت نے شواہد کی بنیاد پر سزائے موت کا حکم سنایا۔ مصری قانون کے تحت تمام محکومان کو حتمی فیصلے کے خلاف اعلٰی عدلیہ میں اپیل دائر کرنے کا قانونی حق حاصل ہے۔