جنگ بندی کیلئے تمام محاذوں پر لڑائی مکمل بند ہونا ضروری ہے، عباس عراقچی

ایران کے وزیر خارجہ عباس عراقچی نے واضح کیا ہے کہ امریکہ کے ساتھ کسی بھی جنگ بندی کے لیے تمام محاذوں پر لڑائی کا مکمل طور پر بند ہونا ضروری ہے اور پاکستان و قطر کی ثالثی میں ہونے والے مذاکرات میں یہ موقف تفصیل سے پیش کیا جا چکا ہے۔ ان کا کہنا تھا کہ خطے کے کسی ایک حصے میں بھی تنازع جاری رہنے کی صورت میں پورے خطے میں امن قائم نہیں ہو سکتا۔ عباس عراقچی نے دعویٰ کیا کہ ایرانی میزائلوں نے زمین پر موجود درجنوں امریکی لڑاکا طیارے تباہ کیے ہیں، جبکہ خبردار کیا کہ ایران کے خلاف کسی بھی نئی فوجی کارروائی کا بھرپور طاقت کے ساتھ جواب دیا جائے گا۔