برطانیہ میں فلو کا نیا وائرس، اسپتالوں میں ہزاروں مریض داخل

لندن: برطانیہ میں انفلوینزا کا نیا وائرس وبائی شکل اختیار کر گیا ہے اور ایک ہفتے کے دوران 2,660 مریض اسپتالوں میں داخل ہو چکے ہیں۔

نیشنل ہیلتھ سروس کی ہفتہ وار رپورٹ کے مطابق مریضوں کی تعداد میں پچپن فیصد اضافہ ہوا ہے اور ویک اینڈ تک یہ تعداد آٹھ ہزار تک پہنچ سکتی ہے۔ اگر مریضوں کی تعداد اسی رفتار سے بڑھی تو اسپتالوں پر شدید دباؤ پڑنے کا خدشہ ہے۔

ماہرین نے خبردار کیا ہے کہ وائرس نیا ہونے کے باعث متاثرین کی قوت مدافعت بہت کمزور ہے۔ زیادہ تر بچے اور کم عمر افراد اس وائرس سے متاثر ہو رہے ہیں، اور انفلوینزا کے نئے کیسز اب یورپ کے دیگر ممالک میں بھی رپورٹ ہو رہے ہیں۔