پشاور ہائیکورٹ کے 4 مستقل ہونے والے ججز نے حلف اٹھا لیا

پشاور ہائیکورٹ کے چار مستقل ہونے والے ججوں نے اپنے عہدے کا حلف اٹھا لیا ہے۔ حلف برداری کی پروقار تقریب پشاور ہائیکورٹ میں منعقد ہوئی جہاں چیف جسٹس پشاور ہائیکورٹ جسٹس ایس ایم عتیق شاہ نے ججوں سے ان کے عہدے کا حلف لیا۔ حلف اٹھانے والے ججز میں جسٹس فرح جمشید، جسٹس ثابت اللہ، جسٹس انعام خان اور جسٹس اورنگزیب خان شامل ہیں، جو اس حلف کے بعد باقاعدہ طور پر پشاور ہائیکورٹ کے مستقل جج بن گئے ہیں۔

تقریبِ حلف برداری میں ہائیکورٹ کے دیگر معزز ججوں، جوڈیشل افسران اور وکلاء کی بڑی تعداد نے شرکت کی۔ اس موقع پر ایڈووکیٹ جنرل خیبرپختونخوا شاہ فیصل اتمانخیل، ایڈیشنل اٹارنی جنرل ثناء اللہ، ہائیکورٹ بار کے صدر امین الرحمن یوسفزئی سمیت خیبرپختونخوا بار کونسل کے اراکین اور سینئر وکلاء بھی موجود تھے۔