خیبر پختونخوا میں ایمرجنسی یا گورنر راج لگانے کیلئے تمام تیاریاں مکمل

خیبر پختونخوا میں ایمرجنسی یا گورنر راج کے نفاذ کے لیے تمام تر انتظامی و سکیورٹی ہوم ورک مکمل کر لیا گیا ہے، جس کے تحت ڈپٹی کمشنرز، سیکریٹریز اور پولیس افسران کی نئی تعیناتیوں کی فہرستیں تیار کر لی گئی ہیں جبکہ پہلے مرحلے میں 12 اضلاع میں ایمرجنسی لگانے کی تجویز بھی زیرِ غور ہے۔ ذرائع کے مطابق ایمرجنسی کا نفاذ وفاقی حکومت اور اپوزیشن (پی ٹی آئی) کے درمیان جاری مذاکرات کی کامیابی یا ناکامی پر منحصر ہے۔ صورتحال پر غور کے لیے اسلام آباد میں صدرِ مملکت، وزیراعظم اور اعلیٰ عسکری قیادت کا اہم اجلاس متوقع ہے اور وفاقی وزراء کو اسلام آباد میں ہی رہنے کی ہدایت کی گئی ہے۔ دوسری جانب پی ٹی آئی نے بھی وزیراعلیٰ ہاؤس پشاور میں کور کمیٹی کا ہنگامی اجلاس طلب کر لیا ہے، جس کی صدارت چیئرمین بیرسٹر گوہر کریں گے تاکہ لانگ مارچ اور ممکنہ گورنر راج کی صورتحال پر حکمتِ عملی طے کی جا سکے۔