ٹام کروز کو مجھ پر کرش ہے، ملیکہ شراوت کا دعویٰ

بالی ووڈ اداکارہ ملیکہ شراوت ان دنوں اپنے نڈر انداز اور آنے والے ریئلٹی شو ’دی ٹریٹرز سیزن 2‘ میں اپنی موجودگی کے باعث سوشل میڈیا اور خبروں کی زینت بنی ہوئی ہیں۔ شو کی ایک پرومو ویڈیو وائرل ہو رہی ہے جس میں اداکارہ نے ہالی ووڈ کے سپر اسٹار ٹام کروز سے متعلق ایک سنسنی خیز اور غیر متوقع دعویٰ کر کے سب کو حیران کر دیا ہے۔

ویڈیو میں دیکھا جا سکتا ہے کہ شو کے شریک امیدوار اور معروف کامیڈین آدتیہ کُلاشریشٹھ (کُلّو) نے ملیکہ شراوت سے سوال کیا کہ “کیا آپ کو کبھی کسی پر کرش ہوا ہے یا ہمیشہ لوگوں کو ہی آپ پر کرش ہوتا ہے؟” اس پر ملیکہ نے اپنے روایتی پر اعتماد انداز میں جواب دیا کہ “مجھے کسی پر نہیں ہوتا، سب کو ہی مجھ پر کرش ہوتا ہے۔ آج کل تو ہالی ووڈ اداکار ٹام کروز کو بھی مجھ پر کرش ہوا ہوا ہے۔”

اداکارہ نے مزید دعویٰ کیا کہ ان کے پاس ٹام کروز کے ساتھ کی گئی پارٹیوں کی کچھ ویڈیوز بھی موجود ہیں جو وہ دکھا سکتی تھیں، لیکن شو کے قواعد کی وجہ سے ان کے پاس موبائل فون موجود نہیں ہے۔ انہوں نے ‘مشن امپوسیبل’ کے اسٹار ٹام کروز کی تعریف کرتے ہوئے انہیں شاندار شخصیت اور بہترین اداکار قرار دیا۔ اداکارہ کے اس بیان کے بعد سوشل میڈیا پر صارفین کی جانب سے دلچسپ تبصروں کا سلسلہ جاری ہے