میر رضا قتل کیس: مقتول کے معدے سے تیزاب کی موجودگی کے شواہد مل گئے

کراچی کے معروف تاجر میر رضا کے پراسرار قتل کے کیس میں اہم اور سنسنی خیز انکشافات سامنے آئے ہیں۔ فارنزک رپورٹس اور ابتدائی تحققاتی ذرائع کے مطابق مقتول میر رضا کے معدے سے تیزاب کی موجودگی کے واضح شواہد حاصل ہوئے ہیں۔

ذرائع نے بتایا ہے کہ کیمیکل اور فارنزک معائنے کے مطابق تیزاب کی وجہ سے میر رضا کے پھیپھڑے شدید طور پر متاثر ہوئے، جبکہ ان کے ہاتھوں اور پیروں پر بھی تیزاب کے جلنے کے اثرات پائے گئے ہیں۔ اس کے علاوہ تحقیقات کے دوران مقتول کی شرٹ سے تیزاب کے ساتھ ساتھ کسی دوسرے نامعلوم شخص کے پسینے کے نمونے (DNA DNA Profile) بھی ملے ہیں، جو اس بات کی نشاندہی کرتے ہیں کہ قتل کے وقت وہاں کوئی دیگر فرد بھی موجود تھا اور دونوں کے درمیان کشمکش ہوئی۔

پولیس اور تحقیقاتی ٹیموں نے کارروائی کرتے ہوئے جائے وقوعہ کے قریب موجود ایک مشکوک گیسٹ ہاؤس کو سیل کر کے تالے لگا دیے ہیں اور وہاں سے 6 ملازمین کو فوری طور پر حراست میں لے لیا ہے۔ پولیس ذرائع کا کہنا ہے کہ کیس کی تفتیش کا دائرہ وسیع کرتے ہوئے اب تک مجموعی طور پر 21 افراد کو حراست میں لیا جا چکا ہے۔

گرفتار کیے گئے اور حراست میں لیے گئے افراد میں میر رضا کے نزدیک دوست اور بزنس پارٹنرز بھی شامل ہیں، جن سے پولیس کی جانب سے الگ الگ اور مشترکہ تفتیش جاری ہے۔ پولیس نے تمام زیرِ حراست افراد کے باقاعدہ بیانات قلمبند کر لیے ہیں تاکہ قتل کے محرکات اور ملوث مرکزی ملزمان کا سراغ لگایا جا سکے۔