بغیر کھڑکیوں والا حیرت انگیز جدید مسافر طیارے کی تیاری

کیلیفورنیا کی امریکہ مبنی اسٹارٹ اپ کمپنی “جیٹ زیرو” (JetZero) ایک جدید اور منفرد ساخت کا مسافر طیارہ تیار کر رہی ہے، جس کا مقصد بوئنگ جیسی بڑی طیارہ ساز کمپنیوں کو سخت مقابلے کی دعوت دینا ہے۔ “زیڈ 4” (Z4) نامی اس طیارے کی گنجائش 250 مسافروں کی ہوگی جبکہ یہ ایک ہی پرواز میں 5 ہزار میل تک کا سفر طے کرنے کی صلاحیت رکھتا ہے۔ کمپنی نے اس پائلٹ لیس یا مسافر بردار پروٹو ٹائپ کی پہلی آزمائشی پرواز 2027ء میں کرنے کا ہدف مقرر کیا ہے۔

زیڈ 4 طیارے کی سب سے نمایاں خصوصیت اس کا ’بلینڈڈ وِنگ باڈی‘ (Blended Wing Body) ڈیزائن ہے، جس میں روایتی طیاروں کے برعکس مرکزی باڈی اور پروں کو الگ الگ بنانے کے بجائے ایک ہموار اور یکجا ساخت میں ضم کر دیا گیا ہے، جو سمندری اسٹنگ رے (Stingray) مچھلی کی شکل سے انتہائی مشابہت رکھتا ہے۔ بوئنگ 767 جیسے روایتی مسافر طیاروں کی نسبت یہ جہاز زیادہ چوڑا اور کم اونچائی والا ہوگا۔ اس جدید ساخت کے باعث طیارے کا اندرونی کیبن انتہائی کشادہ ہوگا تاہم ایک منفرد فیچر یہ بھی ہے کہ اس طیارے میں روایتی کھڑکیاں موجود نہیں ہوں گی۔ فضائی صنعت کے ماہرین اس انقلابی ڈیزائن کو ہوا بازی کی دنیا میں ایندھن کی بچت اور سفر کے نئے تجربے کے طور پر دیکھ رہے ہیں۔