اینڈی برنہم برطانوی لیبر پارٹی کے نئے سربراہ منتخب، آئندہ ہفتے وزیراعظم کا حلف اٹھائیں گے

برطانیہ کی حکمران جماعت لیبر پارٹی کے نئے سربراہ کا اعلان کر دیا گیا ہے، جس کے تحت رکنِ پارلیمنٹ اینڈی برنہم پارٹی کے نئے رہنما منتخب ہو گئے ہیں۔ برطانوی میڈیا کے مطابق اینڈی برنہم موجودہ وزیراعظم سر کیئر اسٹارمر کی جگہ برطانیہ کے نئے وزیراعظم ہوں گے اور اگلے ہفتے اپنے عہدے کا حلف اٹھائیں گے، جبکہ سر کیئر اسٹارمر پیر کے روز بادشاہ چارلس کو اپنا استعفیٰ پیش کر دیں گے۔ قیادت سنبھالنے کے بعد اپنے پہلے خطاب میں اینڈی برنہم نے سر کیئر اسٹارمر کی خدمات کو سراہتے ہوئے کہا کہ وہ پارٹی کو مزید بلندیوں تک لے جانے کے لیے تیار ہیں۔ انہوں نے واضح کیا کہ نئی کابینہ میں پارٹی کے تمام دھڑوں کو نمائندگی دی جائے گی اور محض مختلف رائے رکھنے پر کسی رکن کو سزا نہیں ملے گی، کیونکہ اگر پارٹی اندرونی اختلافات میں الجھی رہی تو دائیں بازو کی جماعتوں کا مقابلہ کرنا مشکل ہو جائے گا۔