مونال ریسٹورنٹ مسمار کرنے کا فیصلہ واپس لینے کا تحریری حکم جاری کر دیا
Web Desk
15 July 2026
وفاقی آئینی عدالت (سپریم کورٹ) نے مارگلہ ہلز پر واقع مشہور مونال ریسٹورنٹ کو مسمار کرنے کا اپنا سابقہ فیصلہ واپس لیتے ہوئے 8 صفحات پر مشتمل تفصیلی تحریری حکم نامہ جاری کر دیا ہے، جسے جسٹس حسن اظہر رضوی نے تحریر کیا ہے۔ فیصلے میں کہا گیا ہے کہ مونال ریسٹورنٹ کی لیز اور زمین کی ملکیت کا اصل تنازع پہلے ہی سول عدالت میں زیرِ سماعت تھا، لیکن ہائیکورٹ نے اس کا فیصلہ آنے سے قبل ہی آئینی درخواست پر عجلت میں فیصلہ سنا دیا۔ تحریری حکم نامے میں سپریم کورٹ نے اعتراف کیا کہ عدالتی دائرہ اختیار سے تجاوز کر کے فریقین کا مؤقف سنے بغیر فیصلہ دیا گیا جس سے انصاف کا قتل ہوا، اور سپریم کورٹ نے بھی ماضی میں اس قانونی غلطی کو سدھارنے کے بجائے اس پر مہر ثبت کر دی تھی۔ عدالتِ عظمیٰ نے مارگلہ ہلز پر دی گئی تمام لیز منسوخ کرنے اور ریسٹورنٹ کے جمع شدہ کرائے وائلڈ لائف بورڈ کو دینے کے فیصلوں کو قانون کے خلاف قرار دیتے ہوئے کالعدم کر دیا ہے اور واضح کیا ہے کہ اس علاقے پر دائرہ اختیار صرف کیپیٹل ڈویلپمنٹ اتھارٹی (CDA) کا ہے۔ عدالت نے سول اور ہائیکورٹ میں زیرِ التواء تمام متعلقہ کیسز کو غیر مؤثر قرار دیتے ہوئے حکم دیا ہے کہ مونال کی لیز کی رقم اور زمین کی ملکیت کے تنازع پر سول کورٹ قانون کے مطابق خود فیصلہ کرے۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026
پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار
16 November 2026
پنجاب دھی رانی پروگرام، ساہیوال میں 89 جوڑوں کی اجتماعی شادیوں کی تقریب
16 November 2026