کانگو میں ایبولا کیسز 2 ہزار سے تجاوز، 754 افراد ہلاک

جمہوریہ کانگو میں ایبولا وائرس کے کیسز کی تعداد 2 ہزار سے تجاوز کر گئی ہے جبکہ اس مہلک وائرس سے اب تک 754 افراد اپنی جانیں گنوا چکے ہیں۔ نیوز ایجنسی کے مطابق، نئے کیسز رپورٹ ہونے کے بعد ایبولا کی وبا اب ملک کے 5 صوبوں تک پھیل چکی ہے۔ رپورٹ میں بتایا گیا ہے کہ اب تک 366 مریض اس بیماری سے صحت یاب ہو چکے ہیں، جبکہ 753 افراد اب بھی آئسولیشن (تنہائی) میں زیرِ علاج ہیں۔ واضح رہے کہ ایبولا وائرس کی اس وبا کا آغاز رواں سال 15 مئی کو ہوا تھا، جس کے بعد اب صحت کے حکام نے بیماری کے پھیلاؤ کو سختی سے روکنے کے لیے نگرانی اور تشخیصی نظام کو مزید مضبوط بنانے پر زور دیا ہے۔