امریکی ریزیڈنسی پروگرام میں پاکستانی ڈاکٹرز نے بھارتیوں کو پیچھے چھوڑ دیا

پاکستانی میڈیکل گریجویٹس نے عالمی سطح پر ایک اور بڑی کامیابی اپنے نام کر لی ہے، جہاں امریکی ریزیڈنسی پروگرام (USMLE) میں پاکستانی ڈاکٹرز نے نمایاں کارکردگی کا مظاہرہ کرتے ہوئے پڑوسی ملک بھارت کو بھی پیچھے چھوڑ دیا ہے۔ تفصیلات کے مطابق، امریکا کے باوقار ریزیڈنسی پروگرام کے لیے 1400 سے زائد پاکستانی ڈاکٹرز کا انتخاب ہوا ہے، جبکہ اس کے مقابلے میں بھارت سے صرف 400 ڈاکٹرز ہی اس پروگرام کے لیے کوالیفائی کر سکے۔ رپورٹ میں بتایا گیا ہے کہ سب سے زیادہ پاکستانی ڈاکٹرز کو امریکی فیلوشپ میڈیسن کے شعبے میں اعلیٰ طبی تعلیم اور پیشہ ورانہ تربیت کے بہترین مواقع ملے ہیں۔ صدر پاکستان میڈیکل اینڈ ڈینٹل کونسل (PM&DC) ڈاکٹر رضوان تاج نے نوجوان ڈاکٹرز کی اس عالمی کامیابی کو ملک کے لیے باعثِ فخر قرار دیتے ہوئے کہا کہ پی ایم اینڈ ڈی سی کی جانب سے کی جانے والی حالیہ اصلاحات اور طبی تعلیم کے معیار کو عالمی تقاضوں سے ہم آہنگ بنانے کی بدولت اب پاکستانی ڈاکٹرز دنیا بھر میں ملک کا نام روشن کر رہے ہیں۔