اسماء عباس کا 60 سال سے زائد عمر کی تنہا خواتین کو شادی کا مشورہ

پاکستان کی سینئر اداکارہ اسماء عباس نے اپنے تازہ ترین وی لاگ میں 60 سال سے زائد عمر کی تنہا خواتین کو مخلص شریکِ حیات ملنے پر شادی کرنے کا مشورہ دیا ہے۔ انہوں نے اپنے گزشتہ بیان کی وضاحت کرتے ہوئے کہا کہ ان کی بات کو مکمل سیاق و سباق کے ساتھ نہیں سنا گیا تھا؛ اگرچہ ہر شخص قابلِ اعتماد نہیں ہوتا لیکن اگر زندگی کے اس حصے میں کوئی اچھا اور مخلص انسان مل جائے تو شادی کر لینے میں کوئی حرج نہیں ہے۔ اسماء عباس نے شوبز انڈسٹری کی سینئر اداکاراؤں اور اپنی بہن بشریٰ انصاری سمیت ثمینہ احمد کی کامیاب شادیوں کا حوالہ دیتے ہوئے کہا کہ دونوں کو بہترین جیون ساتھی ملے ہیں۔ ان کا مزید کہنا تھا کہ بڑھاپے میں ایک ایسے ساتھی کی ضرورت زیادہ محسوس ہوتی ہے جو بیماری یا روزمرہ معاملات میں ساتھ دے سکے، اور کوئی بھی رشتہ باہمی احترام، برداشت اور سمجھ داری سے ہی مضبوط بنتا ہے۔