مودی کی انتہاپسندانہ پالیسیوں نے پورے بھارت کو اپنی لپیٹ میں لے لیا

مودی سرکار کی ناکام پالیسیوں اور نااہلی کے باعث بھارت کے اندرونی حالات مزید ابتر ہو گئے ہیں، اور منی پور و ناگا لینڈ کے بعد اب اتراکھنڈ اور ہماچل پردیش میں بھی صورتحال انتہائی کشیدہ ہو چکی ہے۔ بھارتی جریدے “دی ہندو” کی رپورٹ کے مطابق، اتراکھنڈ کی سرحد پر حالات اس وقت سنگین ہوئے جب نہنگ سکھوں نے سرحدی رکاوٹیں توڑ کر اپنے مقدس مقام ‘ہیم کنڈ صاحب’ کی طرف مارچ شروع کر دیا۔ سکھ مظاہرین نے اعلان کیا ہے کہ جب تک ‘کرن پریاگ’ واقعے میں گرفتار کیے گئے 4 نہنگ سکھوں کو رہا نہیں کیا جاتا، ان کا یہ احتجاجی مارچ جاری رہے گا۔ ہماچل پردیش اور اتراکھنڈ کی سرحد پر دونوں ریاستوں کے سنگم پر واقع ‘کلہال چیک پوسٹ’ پر مظاہرین اور پولیس کے درمیان شدید جھڑپیں بھی ہوئیں، جہاں سکھوں نے تمام رکاوٹیں مسمار کر کے اپنا مارچ آگے بڑھایا۔

ماہرینِ امور کا کہنا ہے کہ سکھوں کے خلاف مذہبی پابندیاں اور مودی سرکار کا ظالمانہ رویہ بھارتی سکھوں میں احساسِ محرومی اور نفرت کو مزید ہوا دے رہا ہے۔ بھارت میں روز بروز اٹھنے والے یہ فسادات اور احتجاجی تحریکیں ثابت کرتی ہیں کہ مودی حکومت حالات پر کنٹرول پانے میں بری طرح ناکام ہوچکی ہے۔ مبصرین کے مطابق، جین زی (Gen Z) تحریک سے لے کر سکھوں کے اس حالیہ احتجاج تک، یہ ابھرتی ہوئی نئی لہریں بھارت کے لیے ایک بہت بڑے اندرونی بحران کا پیش خیمہ ثابت ہو سکتی ہیں۔