ایران نے آبنائے ہرمز میں جہاز پر چار بار حملہ کیا، یہ اقدام پسند نہیں آیا: ٹرمپ

امریکی صدر ڈونلڈ ٹرمپ نے ایران کی جانب سے تجارتی جہاز پر حملے کی شدید مذمت کرتے ہوئے جوابی کارروائی کا واضح اشارہ دے دیا ہے۔

وائٹ ہاؤس میں میڈیا سے گفتگو کرتے ہوئے صدر ٹرمپ نے کہا کہ انہیں یہ بات بالکل اچھی نہیں لگی کہ ایران نے گزشتہ روز چار بار جہاز پر حملہ کیا۔ انہوں نے بتایا کہ ان میں سے تین حملوں کو ناکام بنا دیا گیا تھا، اور جب ان سے پوچھا گیا کہ کیا اس پر کوئی ردعمل دیا جائے گا، تو انہوں نے کہا کہ یہ بات آپ جلد جان جائیں گے۔ امریکی صدر نے کسی ممکنہ فوجی کارروائی کی تفصیلات بتائے بغیر کہا کہ امریکی ردعمل کے بارے میں دنیا کو جلد معلوم ہو جائے گا۔ واضح رہے کہ یہ واقعہ آبنائے ہرمز کے قریب پیش آیا جہاں ایک کارگو جہاز کو ڈرون سے نشانہ بنایا گیا، جس کے بعد خطے میں کشیدگی اور عالمی جہاز رانی کے تحفظ سے متعلق خدشات بڑھ گئے ہیں۔

 ایرانی نائب وزیر خارجہ کاظم غریب آبادی نے سخت مؤقف اپناتے ہوئے کہا ہے کہ آبنائے ہرمز کو متوازی راستوں اور ایران کو نظر انداز کر کے کبھی بھی محفوظ نہیں بنایا جا سکتا۔ انہوں نے اصرار کیا کہ انتظامی فریم ورک ‘اسلام آباد میمورنڈم’ کی شق 5 کے عین مطابق ہونا چاہیے، اور اگر ایسا نہ ہوا تو متوازی بحری راستے کی معطلی ناگزیر ہو جائے گی۔