سکیورٹی فورسز کی خاران اور مستونگ میں کارروائیاں، 8 دہشت گرد ہلاک
Web Desk
27 June 2026
سکیورٹی فورسز نے بلوچستان کے اضلاع خاران اور مستونگ میں خفیہ معلومات پر مبنی دو تیز رفتار کارروائیاں کرتے ہوئے 8 دہشت گردوں کو ہلاک کر دیا ہے۔ پاک فوج کے شعبہ تعلقات عامہ (آئی ایس پی آر) کے مطابق، یہ کارروائیاں بھارتی حمایت یافتہ پراکسی گروہ ‘فتنہ ہندوستان’ کے خاتمے کے لیے جاری انسدادِ دہشت گردی مہم کا حصہ تھیں۔
آئی ایس پی آر کے مطابق، 25 جون کو سکیورٹی فورسز نے ضلع خاران میں دہشت گردوں کے ایک گروہ کی نقل و حرکت کا سراغ لگایا۔ فورسز کی بروقت اور مؤثر کارروائی کے نتیجے میں بھارتی پراکسی سے تعلق رکھنے والے 3 دہشت گرد مارے گئے جبکہ متعدد زخمی ہو گئے۔ دوسری پیشگی کارروائی 26 جون 2026 کو ضلع مستونگ میں ایک ممکنہ خودکش حملہ آور کی موجودگی کی اطلاع پر کی گئی۔ فائرنگ کے شدید تبادلے کے بعد فورسز نے ایک خودکش بمبار سمیت 5 دہشت گردوں کو ڈھیر کر دیا۔ ان کارروائیوں کے دوران دہشت گردوں کے قبضے سے اسلحہ، گولہ بارود، دیسی ساختہ بارودی مواد (آئی ای ڈیز) اور موٹر سائیکلیں بھی برآمد کی گئی ہیں۔ اعلامیے میں کہا گیا ہے کہ سکیورٹی فورسز اور قانون نافذ کرنے والے ادارے وفاقی ایپکس کمیٹی کی جانب سے قومی ایکشن پلان کے تحت منظور کردہ وژن ‘عزمِ استحکام’ کے مطابق ملک سے بیرونی سرپرستی میں ہونے والی دہشت گردی کے مکمل خاتمے کے لیے اپنی بلاامتیاز مہم جاری رکھیں گے۔
وزیراعظم محمد شہباز شریف نے کامیاب کارروائیوں پر سکیورٹی فورسز کو خراجِ تحسین پیش کرتے ہوئے کہا کہ ‘فتنہ ہندوستان’ سے تعلق رکھنے والے دہشت گردوں کو ہلاک کر کے بہادر جوانوں نے دہشت گردی کے مذموم عزائم کو ناکام بنا دیا ہے۔ انہوں نے عزم ظاہر کیا کہ پاکستان سے اس فتنے سمیت ہر قسم کی دہشت گردی کے مکمل خاتمے تک جدوجہد جاری رہے گی۔ وزیر داخلہ محسن نقوی نے بھی سکیورٹی فورسز کی پیشہ ورانہ صلاحیتوں کو سراہتے ہوئے کہا کہ بہادر سپوتوں نے بروقت کارروائی کر کے بلوچستان میں خارجیوں کے ناپاک عزائم مٹی میں ملا دیے ہیں۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026