امریکی پاسپورٹ کے اعزازی ڈیزائن پر ٹرمپ کی تصویر توجہ کا مرکز بن گئی

امریکی صدر ڈونلڈ ٹرمپ نے امریکا کی 250ویں سالگرہ کی تاریخی تقریبات کے موقع پر اعزازی امریکی پاسپورٹ کا ایک نیا ڈیزائن پیش کر دیا ہے، جس میں ان کی اپنی تصویر کو نمایاں طور پر شامل کیا گیا ہے۔ صدر ٹرمپ نے اپنے سوشل میڈیا پلیٹ فارم ‘ٹروتھ سوشل’ پر اس نئے پاسپورٹ کے ڈیزائن کی تصویر شیئر کی۔ انہوں نے تصویر کے ساتھ ایک دلچسپ کیپشن بھی لکھا: “امریکا کا نیا پاسپورٹ، خوش آمدید، لیکن اچھا رویہ اختیار کریں!”

اس اعزازی ڈیزائن کی خاص بات یہ ہے کہ پاسپورٹ کے ایک اندرونی صفحے پر صدر ڈونلڈ ٹرمپ کو وائٹ ہاؤس کے مشہور اور تاریخی ‘ریزولوٹ ڈیسک’ پر بیٹھے دکھایا گیا ہے، جبکہ اسی صفحے کے پس منظر میں امریکا کے تاریخی ‘اعلانِ آزادی’ (Declaration of Independence) کا متن بھی واضح طور پر موجود ہے۔