آبنائے ہرمز میں بحری آمدورفت بحال، عالمی منڈی میں تیل کی قیمتوں میں کمی

آبنائے ہرمز میں بحری آمدورفت کی بحالی کے ساتھ ہی عالمی منڈی میں خام تیل کی قیمتوں میں نمایاں کمی ریکارڈ کی گئی ہے۔ تفصیلات کے مطابق، سپلائی کا تسلسل بحال ہونے سے مارکیٹ پر دباؤ کم ہوا ہے، جس کے باعث امریکی خام تیل (WTI) کی قیمت 1.32 ڈالر کی کمی کے بعد 72 ڈالر 54 سینٹ فی بیرل ہو گئی ہے۔ اسی طرح، برطانوی خام تیل (Brent) کی قیمت میں بھی 1.40 ڈالر کی کمی دیکھی گئی ہے، جس کے بعد اس کی فی بیرل قیمت 76 ڈالر 50 سینٹ پر آگئی ہے۔ معاشی ماہرین کا کہنا ہے کہ خطے کی صورتحال میں بہتری اور تیل کی بلاتعطل ترسیل کے باعث عالمی منڈی میں قیمتوں کو استحکام ملا ہے۔ واضح رہے کہ امریکی میڈیا کے مطابق، آنے والے دنوں میں عالمی منڈی میں تیل کی قیمتوں کے حتمی رخ کا فیصلہ چین کی طلب پر بھی منحصر ہوگا۔