روس کی واٹس ایپ کو قوانین کی خلاف ورزی پر مکمل پابندی کی وارننگ

روس کے ریاستی مواصلاتی نگراں ادارے روسکومنیڈزور نے واٹس ایپ کو خبردار کیا ہے کہ اگر پلیٹ فارم نے ملکی قوانین پر عمل نہ کیا تو اسے مکمل طور پر بلاک کر دیا جائے گا۔
خبررساں اداروں کے مطابق یہ اقدام ان پابندیوں کا تسلسل ہے جو روسی حکام نے رواں برس اگست میں واٹس ایپ اور ٹیلی گرام کی کال سروسز پر عائد کی تھیں۔

حکام کا الزام ہے کہ یہ پلیٹ فارمز، بشمول میٹا، فراڈ اور دہشتگردی سے متعلق تحقیقات میں قانون نافذ کرنے والے اداروں کے ساتھ ضروری معلومات شیئر نہیں کر رہے۔
جمعہ کے روز جاری بیان میں روسکومنیڈزور نے ایک بار پھر دعویٰ کیا کہ واٹس ایپ جرائم کی روک تھام کے لیے وضع کیے گئے ضوابط پر عملدرآمد میں ناکام رہا ہے، جس کے بعد مکمل پابندی کا امکان مزید بڑھ گیا ہے۔