مہاجرین کی نشستیں آئینی تحفظ رکھتی ہیں، آزاد کشمیر سپریم کورٹ کی صدارتی ریفرنس پر رائے
Web Desk
7 June 2026
آزاد جموں و کشمیر کی سپریم کورٹ نے مہاجرین کی مخصوص نشستوں سے متعلق صدارتی ریفرنس پر اپنی رائے جاری کرتے ہوئے قرار دیا ہے کہ مہاجرین کی 12 نشستیں آئین کے تحت تحفظ رکھتی ہیں اور ان میں تبدیلی کے لیے آئینی ترمیم درکار ہوگی۔
صدر آزاد جموں و کشمیر نے حکومت کے مشورے پر آئین کے آرٹیکل 46 اے کے تحت سپریم کورٹ سے اس معاملے پر رائے طلب کی تھی۔
عدالت نے اپنی رائے میں کہا کہ مہاجرین کی نشستوں کی قانونی اور آئینی بنیاد ماضی کے مختلف قوانین، عبوری آئینی انتظامات اور 1974 کے آئین سے جڑی ہوئی ہے۔ عدالت کے مطابق ان نشستوں میں کسی بھی تبدیلی کے لیے آئین میں درج طریقہ کار اختیار کرنا ہوگا۔
سپریم کورٹ نے مزید کہا کہ آئینی ترمیم کا اختیار قانون ساز اسمبلی کے پاس ہے اور ایسے معاملات پارلیمانی اور آئینی عمل کے ذریعے طے کیے جانے چاہییں۔
رائے میں یہ بھی کہا گیا کہ انتخابات کا بروقت انعقاد آئینی تقاضا ہے اور ریاست اس عمل کے انعقاد اور امن و امان کے قیام کی ذمہ دار ہے۔
عدالت نے قرار دیا کہ پرامن احتجاج شہریوں کا آئینی حق ہے، تاہم کسی بھی اقدام کے نتیجے میں دوسرے شہریوں کے حقوق یا معمولات زندگی متاثر نہیں ہونے چاہییں۔
یہ رائے ایسے وقت میں سامنے آئی ہے جب مہاجرین کی نشستوں اور انتخابی امور سے متعلق سیاسی بحث جاری ہے۔
متعلقہ عنوانات
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026
مریم نواز نے سی ایم سولر پینل سکیم فیز ٹو کی منظوری دے دی
19 November 2026
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026