اوگرا نے جون کے لیے ایل پی جی کی قیمتوں میں اضافہ کر دیا، گھریلو سلینڈر 58 روپے سے زائد مہنگا

اسلام آباد: آئل اینڈ گیس ریگولیٹری اتھارٹی (اوگرا) نے ماہِ جون کے لیے مائع پٹرولیم گیس (LPG) کی قیمتوں میں اضافے کا باقاعدہ نوٹیفکیشن جاری کر دیا ہے، جس کے تحت گھریلو صارفین پر مالی بوجھ مزید بڑھ گیا ہے۔

اوگرا کی جانب سے جاری کردہ نوٹیفکیشن کے مطابق، ایل پی جی کی قیمتوں میں یہ اضافہ فوری طور پر نافذ العمل ہوگا اور نئی قیمتوں کا اطلاق آج ہی سے کر دیا گیا ہے

نوٹیفکیشن میں ایل پی جی کی قیمتوں کے حوالے سے درج ذیل اعداو و شمار جاری کیے گئے ہیںگھریلو سلینڈر میں اضافہ: 11.8 کلو گرام کا گھریلو سلینڈر 58 روپے 51 پیسے مہنگا کر دیا گیا ہے۔سلینڈر کی نئی قیمت: اس اضافے کے بعد، جون کے مہینے کے لیے 11.8 کلو گرام کے ایل پی جی سلینڈر کی نئی قیمت 3 ہزار 6 سو 43 روپے 41 پیسے مقرر کی گئی ہے۔فی کلو قیمت میں اضافہ: ایل پی جی گیس کی فی کلو قیمت میں 4 روپے 95 پیسے کا اضافہ ریکارڈ کیا گیا ہے۔فی کلو نئی قیمت: اس اضافے کے بعد اب مارکیٹ میں ایل پی جی گیس کی فی کلو نئی قیمت 308 روپے 76 پیسے مقرر ہو گئی ہے۔

عوام کا کہنا ہے کہ پیٹرولیم مصنوعات اور بجلی کے بعد اب ایل پی جی کی قیمتوں میں اضافے سے غریب اور متوسط طبقے کے کچن کا بجٹ بری طرح متاثر ہوگا۔