مشرق وسطیٰ میں کشیدگی بڑھنے سے توانائی اور خوراک مزید مہنگی ہونے کا خدشہ

عالمی بینک نے اپنی تازہ ترین ’کموڈیٹی آؤٹ لک‘ رپورٹ میں خبردار کیا ہے کہ مشرقِ وسطیٰ کی کشیدگی اور روس یوکرین جنگ کے باعث 2026 میں عالمی سطح پر اجناس کی قیمتوں میں 23 فیصد تک مجموعی اضافہ ہو سکتا ہے۔ رپورٹ کے مطابق 2026 کے دوران عالمی توانائی کی قیمتوں میں 32 فیصد اضافے کا امکا ن ہے جہاں خام تیل 91 ڈالر فی بیرل جبکہ غذائی اجناس کی قیمتوں میں 10 فیصد تک اضافہ ہو سکتا ہے۔ رپورٹ میں مالی سال 2026-27 کے دوران پاکستان میں کپاس کی پیداوار میں 6 فیصد کمی کی پیش گوئی بھی کی گئی ہے، جبکہ چین میں 6 اور امریکا میں 3 فیصد کمی کا خدشہ ہے۔ عالمی بینک نے واضح کیا ہے کہ ال نینو کے اثرات اور بین الاقوامی تنازعات کے باعث خوراک اور توانائی کی بڑھتی قیمتیں عالمی سطح پر مہنگائی کا نیا طوفان لا سکتی ہیں۔