کراچی سمیت سندھ میں پانی بحران مزید سنگین ہوگا، ارسا کا رویہ آبی معاہدے کے منافی ہے: شرجیل میمن
Web Desk
31 May 2026
سندھ حکومت نے صوبے میں پانی کی مسلسل قلت اور ارسا کی جانب سے مبینہ غیر منصفانہ تقسیم پر شدید احتجاج کرتے ہوئے وفاقی حکومت سے فوری مداخلت کا مطالبہ کیا ہے۔
سندھ کے سینئر وزیر شرجیل انعام میمن نے اپنے بیان میں کہا ہے کہ ارسا کا حالیہ طرزِ عمل انیس سو اکانوے کے آبی معاہدے کی روح اور اصولوں کے خلاف ہے اور اس سے سندھ کے عوام کے ساتھ ناانصافی کا تاثر پیدا ہو رہا ہے۔
انہوں نے کہا کہ سندھ گزشتہ کئی روز سے بائیس فیصد پانی کی شدید قلت کا سامنا کر رہا ہے، جبکہ گڈو بیراج پر بیالیس فیصد اور کوٹری بیراج پر انتیس فیصد پانی کی کمی ریکارڈ کی گئی ہے۔ ان کے مطابق صوبے کے حصے کے پانی میں مسلسل کمی زرعی شعبے کے لیے سنگین مسائل پیدا کر رہی ہے۔
شرجیل انعام میمن نے کہا کہ سندھ بارہا واضح کر چکا ہے کہ غیر معمولی بارشوں کے باعث دریائی نظام میں شامل ہونے والے اضافی پانی کو صوبے کے حصے سے منہا نہیں کیا جا سکتا، تاہم اس کے باوجود ایسے فیصلے کیے جا رہے ہیں جن سے سندھ کے تحفظات میں اضافہ ہو رہا ہے۔
انہوں نے کہا کہ آبی معاہدے کے تحت سندھ کے حقوق کا مکمل تحفظ یقینی بنایا جانا چاہیے اور کسی بھی صوبے کے حصے کے پانی میں غیر منصفانہ کمی قبول نہیں کی جا سکتی۔
سینئر وزیر نے وفاقی حکومت سے مطالبہ کیا کہ ارسا کے فیصلوں کا فوری جائزہ لیا جائے اور سندھ کو اس کا جائز اور مکمل حصہ فراہم کرنے کے لیے عملی اقدامات کیے جائیں۔ انہوں نے واضح کیا کہ سندھ حکومت اور پاکستان پیپلز پارٹی صوبے کے آبی حقوق پر کوئی سمجھوتہ نہیں کریں گے اور ہر آئینی و قانونی فورم پر سندھ کے مؤقف کا دفاع جاری رکھا جائے گا۔
متعلقہ عنوانات
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026
مریم نواز نے سی ایم سولر پینل سکیم فیز ٹو کی منظوری دے دی
19 November 2026
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026