وزیراعلیٰ نے ستھرا پنجاب ورکرز کیلئے 10ہزار فی کس انعام کا اعلان کیا ہے: مریم اورنگزیب
Web Desk
30 May 2026
لاہور: سینئر صوبائی وزیر پنجاب مریم اورنگزیب نے عیدالاضحیٰ کے موقع پر صوبے بھر میں صفائی کے مثالی انتظامات پر ‘ستھرا پنجاب’ کی پوری ٹیم کو مبارکباد پیش کرتے ہوئے اعلان کیا ہے کہ وزیراعلیٰ مریم نواز شریف نے شدید گرمی میں گراؤنڈ پر فرض شناسی نبھانے والے تمام ورکرز کے لیے 10،10 ہزار روپے نقد انعام کا اعلان کیا ہے۔
صوبائی دارالحکومت لاہور میں وزیر بلدیات ذیشان رفیق کے ہمراہ ایک اہم پریس کانفرنس سے خطاب کرتے ہوئے مریم اورنگزیب نے عید آپریشن کے دوران تمام ضلعی انتظامیہ اور متعلقہ اداروں کی اعلیٰ کارکردگی کو سراہا۔ انہوں نے کہا کہ اس گرینڈ آپریشن کی نگرانی خود وزیراعلیٰ مریم نواز کر رہی تھیں اور جب قیادت خود متحرک ہو تو ایسے ہی شاندار نتائج سامنے آتے ہیں۔ انہوں نے بتایا کہ عید کے دنوں میں صفائی اور آلائشوں کو ٹھکانے لگانے کے حوالے سے 41 ہزار سے زائد شہریوں نے ہیلپ لائن پر رابطہ کیا جن کی شکایات کا فوری ازالہ کیا گیا، جبکہ ‘ستھرا پنجاب’ پروگرام سوشل میڈیا پر بھی ٹاپ ٹرینڈ بنا رہا۔
سینئر وزیر نے مستقبل کی حکمتِ عملی اور مریم نواز کی صحت کے حوالے سے بھی اہم تفصیلات میڈیا کے سامنے رکھیں۔ انہوں نے کہا کہ عید کے دوران کیٹل مارکیٹس کی نگرانی اور وہاں صفائی کو یقینی بنایا گیا، اور اب حکومت نے ممکنہ مون سون اور سیلابی صورتحال سے نمٹنے کے لیے بھی اپنی تیاریاں مکمل کر لی ہیں، جس کی تفصیلی بریفنگ وہ آئندہ چند دنوں میں دیں گی۔ پریس کانفرنس کے اختتام پر مریم اورنگزیب نے سیاسی مخالفین اور افواہوں کو رد کرتے ہوئے واضح کیا کہ اللہ کا شکر ہے کہ وزیراعلیٰ مریم نواز کی سرجری شریف میڈیکل سٹی میں کامیاب رہی ہے، وہ تیزی سے صحت یاب ہو رہی ہیں اور علاج کے لیے بیرونِ ملک جانے کی تمام افواہیں بے بنیاد ہیں
متعلقہ عنوانات
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026
مریم نواز نے سی ایم سولر پینل سکیم فیز ٹو کی منظوری دے دی
19 November 2026
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026