پیپلز پارٹی نے گورنر سندھ کو غیر قانونی معاملات میں رکاوٹ پر ہٹایا: فاروق ستار
Web Desk
31 May 2026
کراچی: متحدہ قومی موومنٹ پاکستان کے رہنما فاروق ستار نے کہا ہے کہ پیپلز پارٹی نے گورنر سندھ کو اس لیے عہدے سے ہٹایا کیونکہ وہ ان کے غیر قانونی کاموں میں رکاوٹ تھے۔
کراچی میں پریس کانفرنس کرتے ہوئے فاروق ستار نے کہا کہ جہاں جہاں قبضہ مافیا سرگرم ہے، وہاں ایم کیو ایم آواز بلند کرے گی اور اس مافیا کو چیلنج کیا جائے گا۔
انہوں نے سوال اٹھایا کہ ہائی کورٹ کے فیصلے کے باوجود این او سی کیسے جاری کیا گیا اور کس بنیاد پر قبضے کی زمین کو قانونی حیثیت دی گئی۔ ان کے مطابق ہل پارک کی 62 ایکڑ زمین پر قبضہ کسی صورت قبول نہیں کیا جائے گا۔
فاروق ستار نے کہا کہ ایم کیو ایم بلدیاتی انتخابات میں بھرپور تیاری کے ساتھ حصہ لے گی اور کراچی کے عوام قبضہ مافیا کو اب مزید برداشت نہیں کریں گے۔
ان کا کہنا تھا کہ گزشتہ اٹھارہ برسوں سے کراچی کو قبضہ مافیا کے حوالے کیا گیا ہے جبکہ پی ای سی ایچ سوسائٹی سمیت مختلف علاقوں میں زمینوں پر قبضے جاری ہیں۔
انہوں نے الزام عائد کیا کہ شہر کی پہاڑیاں کاٹ کر پلاٹ نکالے جا رہے ہیں اور انہیں مہنگے داموں فروخت کیا جا رہا ہے، جبکہ رہائشی پلاٹس پر بھی کمرشل سرگرمیاں جاری ہیں۔
فاروق ستار کے مطابق کراچی میں جرائم بڑھ رہے ہیں اور شہر جرائم پیشہ عناصر کی آماجگاہ بنتا جا رہا ہے۔
متعلقہ عنوانات
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026
مریم نواز نے سی ایم سولر پینل سکیم فیز ٹو کی منظوری دے دی
19 November 2026
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026