اسٹاک مارکیٹ کریش، 100 انڈیکس کی 3700 سے زائد پوائنٹس کی ریکارڈ تنزلی

مشرقِ وسطیٰ میں ایران اور امریکا کے درمیان جاری شدید سفارتی و عسکری ڈیڈ لاک، عالمی مارکیٹ میں خام تیل (Crude Oil) کی بڑھتی ہوئی قیمتوں اور انٹرنیشنل مانیٹری فنڈ (IMF) کی جانب سے عائد کردہ سخت ترین پیشگی شرائط کے ملکی معیشت پر شدید منفی اثرات مرتب ہونا شروع ہو گئے ہیں۔ ان ملکی و بین الاقوامی دباؤ کے باعث پاکستان اسٹاک ایکسچینج (PSX) تاریخ کے بدترین کاروباری کریش کا شکار ہو گئی ہے، جہاں ہنگامی فروخت کے دباؤ کے باعث کاروبار کا اختتام شدید ترین مندی پر ہوا۔اسٹیٹ بینک کی جانب سے جاری کردہ کرنت اکاؤنٹ خسارے کی رپورٹ کے بعد، آج اسٹاک مارکیٹ کا ہٹ مارکیٹ انڈیکس (KSE-100 Index) 3 ہزار 791 پوائنٹس کی بھاری کمی کے ساتھ بند ہوا، جو کہ مجموعی طور پر 2.29 فیصد کی بڑی تنزلی کو ظاہر کرتا ہے۔ اس ریکارڈ مندی کے نتیجے میں کے ایس ای 100 انڈیکس 1 لاکھ 61 ہزار 805 پوائنٹس کی سطح پر بند ہوا۔ کاروباری اتار چڑھاؤ کے دوران مارکیٹ کے سرمایہ کار اس حد تک خوف کا شکار رہے کہ انڈیکس نے دیکھتے ہی دیکھتے 1 لاکھ 65 ہزار، 1 لاکھ 64 ہزار، 1 لاکھ 63 ہزار اور 1 لاکھ 62 ہزار پوائنٹس کی اہم نفسیاتی سطحیں (Psychological Levels) کھو دیں۔آج کے پورے کاروباری سیشن کے دوران انڈیکس کی پوزیشن کچھ اس طرح ریکارڈ کی گئی:یومیہ بلند ترین سطح (Day’s High): کاروباری آغاز کے ابتدائی سیشن میں انڈیکس 164,939 پوائنٹس کی بلندی تک پہنچا تھا۔یومیہ کم ترین سطح (Day’s Low): مندی کا دباؤ بڑھنے پر انڈیکس گرتا ہوا 161,613 پوائنٹس کی نچلی ترین سطح کو بھی چھو گیا۔حجم اور مالیت (Volume & Value): دن بھر مارکیٹ میں مجموعی طور پر 19 ارب 44 کروڑ روپے مالیت کے 49 کروڑ 98 لاکھ شیئرز کے سودے ہوئے، جو سرمایہ کاروں کی جانب سے حصص کی بڑے پیمانے پر فروخت (Panic Selling) کو ظاہر کرتے ہیں۔