سٹاک ایکسچینج میں شدید مندی، انڈیکس میں 1778 پوائنٹس کی کمی

پاکستان سٹاک ایکسچینج میں آج کاروبار کا رجحان منفی رہا، جس کے باعث سرمایہ کاروں کو اربوں روپے کا نقصان اٹھانا پڑا۔ کاروباری ہفتے کے آخری روز آغاز ہی سے انڈیکس دباؤ کا شکار رہا اور ایک وقت میں 1327 پوائنٹس تک گر گیا۔ ٹریڈنگ کے اختتام پر 100 انڈیکس مجموعی طور پر 1778 پوائنٹس کی کمی کے ساتھ 1 لاکھ 71 ہزار 115 کی سطح پر بند ہوا۔ یہ مندی ایک ایسے وقت میں آئی ہے جب گزشتہ روز مارکیٹ میں 1189 پوائنٹس کا اضافہ دیکھا گیا تھا۔ عالمی سطح پر بھی صورتحال مختلف نہ تھی اور جاپان، چین سمیت تمام بڑی ایشیائی مارکیٹوں میں گراوٹ ریکارڈ کی گئی۔