سٹاک مارکیٹ میں اتار چڑھاؤ، ہنڈرڈ انڈیکس مثبت زون میں بند ہوا

پاکستان سٹاک ایکسچینج میں کاروباری ہفتے کے چوتھے روز زبردست تیزی دیکھنے میں آئی اور ہنڈرڈ انڈیکس 1189 پوائنٹس کے اضافے کے ساتھ 1 لاکھ 72 ہزار 894 پوائنٹس کی سطح پر بند ہوا۔ کاروبار کے آغاز ہی سے مارکیٹ میں مثبت رجحان غالب رہا، جہاں انڈیکس نے پہلے 900 پوائنٹس کی چھلانگ لگائی اور پھر اختتام تک اپنی برتری برقرار رکھی۔ آج مارکیٹ میں 41 ارب روپے سے زائد مالیت کے شیئرز کا لین دین ہوا، جو سرمایہ کاروں کے اعتماد کی عکاسی کرتا ہے۔ واضح رہے کہ گزشتہ کاروباری روز بھی مارکیٹ میں 6 ہزار سے زائد پوائنٹس کا غیر معمولی اضافہ ریکارڈ کیا گیا تھا۔