کراچی: سونے اور چاندی کی قیمتوں میں ہوشربا اضافہ؛ فی تولہ سونا 4 لاکھ 96 ہزار سے متجاوز

کراچی میں سونے کی قیمتوں میں ایک اور بڑا اضافہ دیکھنے میں آیا ہے، جہاں فی تولہ سونا 7,800 روپے مہنگا ہونے کے بعد 4 لاکھ 96 ہزار 762 روپے کی ریکارڈ سطح پر پہنچ گیا ہے۔ اسی طرح 10 گرام سونے کی قیمت میں 6,687 روپے کا اضافہ ہوا ہے، جس کے بعد اس کے نرخ 4 لاکھ 25 ہزار 893 روپے ہو گئے ہیں۔ عالمی منڈی میں فی اونس سونے کی قیمت 78 ڈالر اضافے کے ساتھ 4,744 ڈالر تک پہنچ گئی ہے، جس کا براہِ راست اثر مقامی قیمتوں پر پڑا ہے۔ سونے کے ساتھ ساتھ چاندی کی قیمتوں میں بھی تیزی دیکھی گئی ہے اور فی تولہ چاندی 373 روپے مہنگی ہو کر 8,445 روپے کی ہو گئی ہے۔