کراچی: پی آئی اے ہولڈنگ کمپنی کے بورڈ آف ڈائریکٹرز کا اجلاس 8 مئی کو اسلام آباد میں ہوگا

پاکستان انٹرنیشنل ایئرلائنز (PIA) نے اسٹاک ایکسچینج کو خط کے ذریعے آگاہ کیا ہے کہ پی آئی اے ہولڈنگ کمپنی کے بورڈ آف ڈائریکٹرز کا اجلاس اب 8 مئی کو اسلام آباد میں منعقد ہوگا۔ اس سے قبل یہ اجلاس 30 اپریل کو طلب کیا گیا تھا، تاہم اب اس کی تاریخ اور ایجنڈے میں تبدیلی کر دی گئی ہے۔ ری شیڈول ہونے والے اس اجلاس کے ایجنڈے میں 2025 کے پہلے 9 ماہ کے مالی حسابات کے جائزے کو دوبارہ شامل کر لیا گیا ہے، جسے پہلے نکال دیا گیا تھا۔ ذرائع کے مطابق، نجکاری کے عمل کی تکمیل کے لیے ان مالی حسابات کی منظوری انتہائی ضروری ہے۔