اس نے خوشبو کی طرح میری پذیرائی کی، پروین شاکر کی 73 ویں سالگرہ آج منائی جارہی ہے

کراچی: خوشبو کی شاعرہ پروین شاکر کے مداح آج ان کی 73 ویں سالگرہ منارہے ہیں۔ 24 نومبر 1952ء کو کراچی میں پیدا ہونے والی پروین شاکر نے ابتدائی تعلیم گھر پر حاصل کی اور بعد میں رضیہ گرلز ہائی اسکول و سرسید گرلز کالج سے انگلش لٹریچر میں اعلیٰ تعلیم حاصل کی۔

انہوں نے کراچی یونیورسٹی سے ایم اے انگلش اور لسانیات میں ڈگریاں حاصل کیں اور بعد میں ہارورڈ یونیورسٹی سے پبلک ایڈمنسٹریشن میں ماسٹرز کیا۔ تعلیمی سلسلہ مکمل ہونے کے بعد پروین شاکر نے درس و تدریس کے شعبے میں خدمات انجام دیں اور بعد ازاں سول سروسز میں شامل ہوئیں۔

ان کی پہلی کتاب’’ خوشبو‘‘ کو 1976 میں آدم جی ایوارڈ اور پرائیڈ آف پرفارمنس سے نوازا گیا۔ اس کے علاوہ بھی متعدد اعزازات و اسناد سے نوازا گیا۔

پروین شاکر کی شاعری خوشبو کی طرح لوگوں کے ذہنوں میں بسی ہوئی ہے۔ ان کے پانچ شعری مجموعے خوشبو، صد برگ، خود کلامی، انکار اور کف آئینہ شائع ہوئے اور کلیات “ماہ تمام” کے نام سے شائع ہوا۔ان کی شاعری عشق اور محبت کی منفرد کیفیت کو اجاگر کرتی ہے اور آج بھی اردو ادب میں اپنی مثال آپ ہے۔

دسمبر 1994 میں ایک ٹریفک حادثے میں انتقال کرنے والی پروین شاکر نے مختصر زندگی میں اردو ادب کے لیے ایک لازوال خزانہ چھوڑا، جو موجودہ اور آنے والی نسلوں کے لیے ہمیشہ یادگار رہے گا۔