مولانا فضل الرحمان غیر ذمہ دارانہ بیانات سے گریز کریں، فرح عظیم شاہ

رکن بلوچستان اسمبلی فرح عظیم شاہ نے کوئٹہ میں پریس کانفرنس کرتے ہوئے جمعیت علمائے اسلام (ف) کے سربراہ مولانا فضل الرحمان کے حالیہ بیانات اور الزام تراشی کو شدید تنقید کا نشانہ بناتے ہوئے افسوسناک قرار دیا ہے۔ انہوں نے کہا کہ ملک اس وقت قومی اتحاد اور یکجہتی کا تقاضا کرتا ہے، لہٰذا سیاسی قیادت کو بے بنیاد الزامات کے بجائے تدبر اور تحمل کا مظاہرہ کرنا چاہیے۔ فرح عظیم شاہ کا کہنا تھا کہ جب بھی پاکستان سفارتی اور دفاعی میدان میں ترقی کرتا ہے، دشمن عناصر فعال ہو جاتے ہیں۔ انہوں نے مزید کہا کہ دہشت گردی کا مسئلہ عارضی ہے اور اس کے خاتمے میں وزیراعلیٰ بلوچستان کے کاوشوں اور ریاستی بیانیے کو ہمیشہ یاد رکھا جائے گا۔