عالمی و مقامی مارکیٹ میں سونے کی قیمتوں میں بڑا کریش؛ فی تولہ سونا 8900 روپے سستا ہو گیا

عالمی مارکیٹ میں قیمتیں گرنے کے باعث پاکستان میں بھی سونے اور چاندی کے نرخوں میں نمایاں کمی ریکارڈ کی گئی ہے۔ عالمی منڈی میں فی اونس سونا 89 ڈالر کی کمی کے بعد 4627 ڈالر پر آ گیا، جس کے اثرات مقامی صرافہ بازاروں پر بھی مرتب ہوئے۔ کراچی میں فی تولہ سونے کی قیمت 8900 روپے کی بڑی کمی کے بعد 4 لاکھ 85 ہزار 62 روپے ہو گئی ہے، جبکہ 10 گرام سونے کی قیمت 7630 روپے کم ہو کر 4 لاکھ 15 ہزار 862 روپے پر بند ہوئی۔ سونے کے ساتھ ساتھ چاندی کی قیمتوں میں بھی مندی کا رجحان رہا اور چاندی فی تولہ 238 روپے سستی ہو کر 7811 روپے کی سطح پر آگئی ہے۔