کراچی: سونے کی قیمتوں میں بڑا اضافہ، فی تولہ سونا 4 لاکھ 93 ہزار سے تجاوز کر گیا

عالمی منڈی میں سونے کے نرخ بڑھنے کے ساتھ ہی کراچی سمیت ملک بھر کی صرافہ مارکیٹوں میں سونے کی قیمتوں میں نمایاں اضافہ ریکارڈ کیا گیا ہے، جبکہ چاندی کے نرخ مستحکم رہے ہیں۔فی تولہ سونا 800 روپے مہنگا ہونے کے بعد 4 لاکھ 93 ہزار 962 روپے کا ہو گیا۔10 گرام سونا قیمت 686 روپے بڑھ کر 4 لاکھ 23 ہزار 492 روپے ہو گئی۔ بین الاقوامی منڈی میں سونے کی قیمت میں 8 ڈالر کا اضافہ دیکھا گیا، جس کے بعد فی اونس سونا 4,716 ڈالر کی سطح پر پہنچ گیا۔ عالمی مارکیٹ میں ہونے والے اس اضافے کا براہِ راست اثر مقامی مارکیٹ پر مرتب ہوا۔سونے کے برعکس چاندی کی قیمتوں میں کوئی تبدیلی دیکھنے میں نہیں آئی۔ کراچی میں چاندی کی فی تولہ قیمت 8,049 روپے پر برقرار ہے۔