کراچی ایئرپورٹ پر دو خواتین سے کروڑوں کے زیورات اور غیر ملکی کرنسی ضبط

کراچی: جناح انٹرنیشنل ایئرپورٹ پر کسٹمز حکام نے کارروائی کرتے ہوئے دو خواتین مسافروں سے تقریباً ایک کروڑ دس لاکھ روپے مالیت کے سونے کے زیورات اور غیر ملکی کرنسی برآمد کر لی۔

کلیکٹریٹ آف کسٹمز کے جاری کردہ بیان کے مطابق، دونوں خواتین کو انٹرنیشنل ڈیپارچر ہال میں مشکوک نقل و حرکت پر روکا گیا۔ تلاشی کے دوران ایک خاتون کے قبضے سے 6143 امریکی ڈالر اور دو کلوگرام سونا، جبکہ دوسری مسافر سے 5746 امریکی ڈالر اور 1.05 کلوگرام سونا برآمد ہوا۔بیان میں مزید بتایا گیا کہ ضبط شدہ سونا اور غیر ملکی کرنسی کسٹمز پریونٹیو اسٹاف نے اپنی تحویل میں لے کر باقاعدہ حراستی رسیدیں جاری کیں۔ ابتدائی قانونی کارروائی مکمل ہونے کے بعد دونوں خواتین کے خلاف کسٹمز قوانین کی خلاف ورزی اور اسمگلنگ کی کوشش پر ایف آئی آر بھی درج کر دی گئی ہے۔کسٹمز حکام کے مطابق مزید تحقیقات جاری ہیں