دنیا کا سب سے بڑا طیارہ بردار جہاز کیریبیئن پہنچ گیا، امریکی بحریہ

امریکی بحریہ کے مطابق دنیا کا سب سے بڑا ایئرکرافٹ کیریئر یو ایس ایس جیرالڈ آر فورڈ کیریبیئن سمندر میں داخل ہو گیا ہے، جہاں اسٹرائیک گروپ خطے میں اتحادی فورسز کے ہمراہ منشیات سے وابستہ دہشت گرد نیٹ ورکس کے خلاف مشترکہ آپریشنز میں حصہ لے گا۔

اسی دوران وینزویلا نے امریکا پر الزام عائد کیا ہے کہ “نارکو ٹیرر ازم” کے نام پر واشنگٹن اپنی فوجی موجودگی بڑھا کر خطے میں ریجیم چینج کی راہ ہموار کرنا چاہتا ہے۔
خبر رساں ذرائع کے مطابق امریکا انسدادِ منشیات مہم کے لیے وینزویلا کے سمندری حدود کے قریب پہلے ہی متعدد جنگی بحری جہاز تعینات کر چکا ہے۔

ادھر امریکی ڈرگ انفورسمنٹ ایڈمنسٹریشن (ڈی ای اے) کی تازہ رپورٹ کا کہنا ہے کہ وینزویلا امریکا پہنچنے والی منشیات کا اہم ذریعہ نہیں ہے۔
واضح رہے کہ گزشتہ ہفتے سابق امریکی صدر ڈونلڈ ٹرمپ نے کہا تھا کہ وینزویلا سے متعلق وہ “کچھ حد تک فیصلہ کر چکے ہیں”، تاہم انہوں نے ابھی تفصیلات ظاہر نہیں کیں۔