مودی حکومت کی ہٹ دھرمی برقرار، بھارتی نوجوان ایک مرتبہ پھر احتجاج پر مجبور

کاکروچ جنتا پارٹی (سی جے پی) نے مودی حکومت پر وعدہ شکنی کا الزام عائد کرتے ہوئے 5 ستمبر کو ایک بار پھر احتجاج کرنے کا اعلان کر دیا ہے۔ ترجمان سی جے پی سورو داس کے مطابق پیپر لیک کے باعث جان گنوانے والے طلباء کے والدین کو معاوضہ نہ دینے اور درج ایف آئی آرز ختم کرنے کی یقین دہانی پر عمل نہ کرنے پر یہ قدم اٹھایا جا رہا ہے۔ دوسری جانب ایمنسٹی انٹرنیشنل کی حالیہ تحقیقاتی رپورٹ نے بھی احتجاج کے دوران بھارتی فورسز کی جانب سے پُرامن مظاہرین کے خلاف پیلٹ گنز، آنسو گیس اور الیکٹرک شاک جیسے مہلک ہتھیاروں اور غیر قانونی طاقت کے بے دریغ استعمال کو بے نقاب کر دیا ہے۔ ایمنسٹی انٹرنیشنل کے چیئرمین آکر پٹیل کے مطابق حکام نے مواصلاتی بلیک آؤٹ کا سہارا لے کر مظاہرین کو تشدد کا نشانہ بنایا، جس سے مودی سرکار کا دوغلا چہرہ دنیا کے سامنے آشکار ہو گیا ہے۔