عارضہ قلب کے مریضوں میں خطرناک حد تک اضافہ ریکارڈ

صوبائی دارالحکومت میں دل کے امراض میں خطرناک حد تک اضافہ ریکارڈ کیا گیا ہے، جس کے باعث پنجاب انسٹیٹیوٹ آف کارڈیالوجی (پی آئی سی) کی ایمرجنسی پر غیر معمولی دباؤ ہے۔ اعداد و شمار کے مطابق گزشتہ 8 ماہ میں 2 لاکھ 82 ہزار 962 مریضوں نے ایمرجنسی کا رخ کیا، جبکہ جولائی میں سب سے زیادہ 40 ہزار سے زائد مریض رپورٹ ہوئے۔ رپورٹ کے مطابق اس عرصے میں 20 ہزار سے زائد پروسیجرز اور 4 ہزار 719 پرائمری پی سی آئیز کی گئیں۔ ماہرین نے بڑھتے ہوئے کیسز کو تشویشناک قرار دیتے ہوئے احتیاطی تدابیر پر زور دیا ہے۔