بین الاقوامی معاہدوں کی پاسداری کیلئے سخت فیصلے کرنا پڑے، بلال اظہر کیانی

لاہور: وزیر مملکت برائے خزانہ بلال اظہر کیانی نے کہا ہے کہ بین الاقوامی کمپنیوں کے ساتھ طے شدہ پالیسی معاہدوں کی پاسداری یقینی بنانے کیلئے حکومت کو سخت فیصلے کرنا پڑے۔

امریکن بزنس فورم اور  لمز یونیورسٹی کے زیراہتمام تقریب سے خطاب کرتے ہوئے انہوں نے کہا کہ پاکستانی عوام، صنعت اور حکومت نے عالمی معاہدوں کی پاسداری کے حوالے سے مشکل فیصلوں کا سامنا کیا ہے۔

ان کا کہنا تھا کہ شہباز شریف من مانے معاشی فیصلوں پر یقین نہیں رکھتے بلکہ معاشی پالیسیوں کی تشکیل میں وسیع مشاورت کو ترجیح دیتے ہیں۔

وزیر مملکت نے کہا کہ وزیراعظم کی ہدایت ہے کہ معاشی فیصلے بند کمروں میں نہیں بلکہ متعلقہ شراکت داروں کی مشاورت سے کیے جائیں۔ انہوں نے مزید بتایا کہ وفاقی کابینہ کے اراکین مختلف چیمبرز آف کامرس کے ساتھ مسلسل رابطے میں ہیں۔