90 سالہ شخص کی 25 سالہ لڑکی سے نجی طیارے میں شادی، ویڈیو وائرل

سوشل میڈیا پر ایک غیر معمولی شادی کی ویڈیو وائرل ہو گئی ہے جس نے دیکھنے والوں کو حیرت میں مبتلا کر دیا ہے۔ انسٹاگرام پر ایک معروف فوٹوگرافر نے دعویٰ کیا ہے کہ برسوں میں بے شمار شادیاں کور کرنے کے باوجود یہ تقریب سب سے منفرد تھی۔

ویڈیو کے مطابق یہ شادی زمین پر نہیں بلکہ فضا میں، ایک نجی طیارے کے اندر ہوئی، جسے اصلی پھولوں سے دلکش انداز میں سجایا گیا تھا۔ جوڑا بادلوں کے اوپر ایک دوسرے سے عہدِ وفا کر رہا تھا۔ دلچسپ بات یہ ہے کہ دلہا کی عمر 90 سال جبکہ دلہن صرف 25 سال تھی۔

فوٹوگرافر نے انسٹاگرام پوسٹ میں لکھا کہ محبت کی کہانیاں ہمیشہ ایک جیسی نہیں ہوتیں اور یہی انفرادیت شادیاں ناقابلِ فراموش بنا دیتی ہے۔

ویڈیو وائرل ہوتے ہی سوشل میڈیا صارفین کے تبصرے بھی سامنے آئے۔ کچھ نے غیر معمولی عمر کے فرق پر حیرت کا اظہار کیا، کچھ نے مزاحیہ انداز اپنایا، جبکہ کئی صارفین نے شادی کو ذاتی معاملہ قرار دیتے ہوئے کہا کہ محبت اور رشتے کسی سانچے میں نہیں ڈھلتے۔ ان کے مطابق یہ شادی اس بات کی یاد دہانی ہے کہ زندگی کے غیر روایتی لمحے ہی سب سے زیادہ گفتگو کا موضوع بنتے ہیں