LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مریم نواز کا بابا گرو نانک کے جنم دن کی تقریبات میں شرکت کرنیوالے سکھ یاتریوں کا خیرمقدم خیبرپختونخوا کیلئے 160 ارب روپے کا ترقیاتی پیکج، صوبے کو 10 ارب روپے جاری موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک میرعلی سے دہشت گردوں کا چھپایا گیا اسلحہ اور بارودی مواد کا بڑا ذخیرہ برآمد مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس

فہد مصطفیٰ کا اپنے بیانات سے شروع ہونے والے تنازعات پر دلچسپ ردعمل

Web Desk

23 March 2026

کراچی: پاکستانی شوبز انڈسٹری کے نامور اداکار اور میزبان فہد مصطفیٰ نے اپنے بیانات سے پیدا ہونے والے تنازعات پر خاموشی توڑتے ہوئے انتہائی دلچسپ ردعمل کا اظہار کیا ہے۔ ایک نجی ٹی وی شو میں بطور مہمان شرکت کے دوران فہد مصطفیٰ نے کھل کر مختلف موضوعات پر گفتگو کی اور واضح کیا کہ وہ سوشل میڈیا پر ہونے والی تنقید سے بالکل پریشان نہیں ہوتے۔

فہد مصطفیٰ نے ہنستے ہوئے کہا، “ہم جہاں کھڑے ہو جاتے ہیں، کنٹرو ورسی وہیں سے شروع ہو جاتی ہے، اور مجھے یقین ہے کہ میری اس بات پر بھی ایک نیا تنازع کھڑا ہو جائے گا۔” اداکار کا ماننا ہے کہ تنقید صرف انہی لوگوں پر کی جاتی ہے جو معاشرے یا قوم کے لیے اہمیت رکھتے ہوں۔ انہوں نے اسے اللہ کا کرم قرار دیتے ہوئے کہا کہ “ہم اس ملک کے لیے اہم ہیں اور لوگ ہمارے بارے میں بات کرنا چاہتے ہیں، ہم نے شوبز میں قدم ہی اس لیے رکھا تھا کہ لوگ ہمیں پہچانیں۔”

شہرت اور تنقید کے تعلق پر بات کرتے ہوئے فہد مصطفیٰ نے اسے ‘شہرت کی قیمت’ قرار دیا جسے برداشت کرنا ضروری ہے۔ ان کا کہنا تھا کہ پاکستان اور بیرونِ ملک لاکھوں لوگ ان سے بے پناہ محبت کرتے ہیں، اس لیے وہ ان چند لوگوں کے بجائے اپنے چاہنے والوں کی توقعات اور شائستگی پر توجہ دینا زیادہ پسند کرتے ہیں۔ انہوں نے تنقید کرنے والوں کے لیے دعا کرتے ہوئے کہا کہ “اللہ ان پریشان لوگوں کو بھی خوش رکھے۔”