LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بلٹ پروف اور لگژری گاڑیوں کی وائرل ویڈیو کا معاملہ، مزید تین افراد گرفتار بلوچستان کے ضلع خضدار اور گردونواح میں زلزلے کے جھٹکے، شدت 3.6 ریکارڈ پاک چین دوستی کا تاریخ ساز سنگِ میل ،شین زو-24کی لانچنگ کی مشق کامیابی سے مکمل پاکستان میں جوہری سلامتی پر عالمی اجلاس آج سے شروع ہوگا مریم نواز کا بابا گرو نانک کے جنم دن کی تقریبات میں شرکت کرنیوالے سکھ یاتریوں کا خیرمقدم خیبرپختونخوا کیلئے 160 ارب روپے کا ترقیاتی پیکج، صوبے کو 10 ارب روپے جاری موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک میرعلی سے دہشت گردوں کا چھپایا گیا اسلحہ اور بارودی مواد کا بڑا ذخیرہ برآمد مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی

ژالے سرحدی نے شوہر سے متعلق افواہوں پر خاموشی توڑ دی

Web Desk

9 April 2026

پاکستان کی معروف اداکارہ ژالے سرحدی نے اپنے شوہر کے حوالے سے سوشل میڈیا پر گردش کرنے والی بے بنیاد افواہوں اور غلط فہمیوں پر خاموشی توڑ دی ہے۔ تفصیلات کے مطابق، حال ہی میں اداکارہ کی اپنے شوہر کے ساتھ ایک ٹک ٹاک ویڈیو وائرل ہوئی، جس کے کمنٹس میں متعدد صارفین نے ان کے شوہر کو غلط طور پر اداکارہ فضا علی کا شوہر قرار دینا شروع کر دیا۔ اس غلط فہمی نے اس وقت شدت اختیار کی جب کئی خواتین کی جانب سے بار بار یہی تبصرہ کیا گیا کہ تصویر میں موجود شخص فضا علی کے شوہر ہیں۔

معاملہ سنگین ہونے پر ژالے سرحدی نے سوشل میڈیا پر سخت وضاحت جاری کرتے ہوئے کہا کہ لوگ بغیر کسی معلومات اور تصدیق کے بے سوچے سمجھے باتیں کر دیتے ہیں۔ انہوں نے غصے کا اظہار کرتے ہوئے سوال اٹھایا کہ “میں کسی اور کے شوہر کے ساتھ اس قدر قریب ہو کر تصویر یا ویڈیو کیوں شیئر کروں گی؟” اداکارہ نے تسلیم کیا کہ شاید داڑھی یا کسی خاص زاویے کی وجہ سے مشابہت ہو سکتی ہے، لیکن اس کا یہ مطلب ہرگز نہیں کہ حقائق کو مسخ کیا جائے۔

ژالے سرحدی نے صارفین کو مشورہ دیا کہ وہ محض ایک ‘گوگل سرچ’ کے ذریعے درست معلومات حاصل کر سکتے ہیں بجائے اس کے کہ اپنی لاعلمی کا اظہار کریں۔ انہوں نے واضح کیا کہ وہ گزشتہ 19 سال سے رشتہ ازدواج میں منسلک ہیں اور ان کے شوہر کے حوالے سے پھیلائی جانے والی تمام قیاس آرائیاں من گھڑت ہیں۔ اداکارہ نے ویڈیو کو پسند کرنے پر مداحوں کا شکریہ تو ادا کیا، لیکن غیر ذمہ دارانہ تبصروں کو سخت تنقید کا نشانہ بناتے ہوئے انہیں لاپرواہی قرار دیا۔