زاویار نعمان بچپن میں ایک سنگین بیماری میں مبتلا تھے: علی سلمان

پاکستانی ڈراما انڈسٹری کے ابھرتے ہوئے اداکار زاویار نعمان اعجاز سے متعلق انکشاف ہوا ہے کہ وہ اپنے بچپن میں ’میننجائٹس‘ (گردن توڑ بخار) جیسی خطرناک بیماری کا شکار ہو گئے تھے اور ان کی حالت انتہائی تشویشناک ہو گئی تھی۔ اس واقعے کا انکشاف اداکار نعمان مسعود نے ایک پوڈ کاسٹ کے دوران کیا۔ انہوں نے بتایا کہ یہ واقعہ اس وقت پیش آیا جب سینئر اداکار نعمان اعجاز اپنی فیملی کے ہمراہ ایک سیریل کی شوٹنگ کے لیے جرمنی میں موجود تھے۔ زاویار کی طبیعت اچانک بگڑنے پر ان کی والدہ رابعہ انہیں فوری طور پر اسپتال لے کر گئیں، جہاں صورتحال کی سنگینی کو دیکھتے ہوئے نعمان اعجاز بھی پہنچے۔ نعمان مسعود کے مطابق اس وقت زاویار کی حالت اتنی شدید تھی کہ ان کی زندگی کے حوالے سے صورتحال انتہائی تشویشناک ہو گئی تھی، تاہم بروقت علاج سے ان کی جان بچ سکی۔