زارا نور عباس نے سجل علی سے دوستی ختم ہونے پر خاموشی توڑ دی

پاکستان کی معروف اداکارہ زارا نور عباس نے اداکارہ سجل علی کے ساتھ اپنی دوستی میں آنے والی دراڑ اور سوشل میڈیا پر ہونے والی قیاس آرائیوں پر پہلی بار لب کشائی کی ہے۔

ان فالو کرنے کا مطلب دوستی ختم ہونا نہیں:
حال ہی میں احمد علی بٹ کے پوڈکاسٹ میں گفتگو کرتے ہوئے زارا نور عباس نے سجل علی سے متعلق سوال پر مبہم انداز اختیار کیا۔ جب ان سے پوچھا گیا کہ سجل کیسی ہیں اور آخری بار کب بات ہوئی؟ تو انہوں نے مسکراتے ہوئے کہا کہ سجل ٹھیک ہیں اور حال ہی میں بات ہوئی ہے۔ اس پر جب میزبان نے اسے ‘جھوٹ’ قرار دیا تو زارا نے جواب دیا کہ “لوگ ایسا کیوں سوچتے ہیں کہ اگر دو افراد نے ایک دوسرے کو سوشل میڈیا پر ان فالو کر دیا ہے تو وہ بات بھی نہیں کرتے ہوں گے؟”

شوبز انڈسٹری اور تلخ تجربات:
زارا نور عباس نے انڈسٹری میں دوستی کے حوالے سے اپنے تلخ تجربات شیئر کرتے ہوئے کہا کہ “ہر ہاتھ ملانے والا دوست نہیں ہوتا۔” انہوں نے ایک دلچسپ مثال دیتے ہوئے کہا کہ “انڈسٹری میں جب آپ کسی سے ہاتھ ملاتے ہیں تو بعد میں دیکھنا پڑتا ہے کہ کیا میری انگلیاں (سلامت) واپس آئی ہیں؟”

شوہر کی نصیحت اور سبق:
اداکارہ نے اعتراف کیا کہ وہ ماضی میں ہر کسی کو اپنا دوست سمجھ لیتی تھیں اور ان کے کئی فرینڈز گروپس تھے، لیکن ان کے شوہر اسد صدیقی انہیں ہمیشہ تنبیہ کرتے تھے۔ زارا کا کہنا تھا کہ اب انہیں احساس ہوا ہے کہ اسد ہمیشہ صحیح کہتے تھے اور انہوں نے اس تجربے سے بہت کچھ سیکھا ہے۔