یوزویندر چہل کی سابقہ اہلیہ کے ساتھ ریئلٹی شو میں شرکت؟ اسپنر کا ردعمل آگیا

بھارتی کرکٹ ٹیم کے معروف اسپنر یوزویندر چہل نے کرکٹ چھوڑ کر ریئلٹی ٹی وی شو میں شرکت کی خبروں کو بے بنیاد قرار دے دیا ہے۔

حال ہی میں سوشل میڈیا اور بعض رپورٹس میں دعویٰ کیا گیا تھا کہ یوزویندر چہل یکم فروری سے نشر ہونے والے بڑے بھارتی ریئلٹی شو ’دی 50‘ میں شرکت کرنے جا رہے ہیں۔ بعض خبروں میں یہ بھی کہا گیا کہ شو کے دوران چہل کی سابق اہلیہ دھناشری ورما سے دوبارہ ملاقات دکھائی جائے گی۔

ان افواہوں پر ردعمل دیتے ہوئے یوزویندر چہل نے واضح بیان جاری کیا کہ ان کا کسی بھی ریئلٹی شو سے کوئی تعلق نہیں اور نہ ہی اس حوالے سے کوئی بات چیت یا معاہدہ ہوا ہے۔ انہوں نے میڈیا اور سوشل میڈیا صارفین سے اپیل کی کہ بغیر تصدیق معلومات پھیلانے سے گریز کیا جائے۔

یاد رہے کہ چہل اور دھناشری ورما کی 2024 میں طلاق ہوئی تھی، جس کے بعد ان کی ذاتی زندگی مسلسل خبروں کا موضوع بنی رہی۔