یوٹیوب کا ایسا فیچر اب تمام صارفین کو دستیاب جسے اب تک ماہانہ فیس ادا کرکے ہی استعمال کیا جاسکتا تھا

گوگل کی زیرِ ملکیت ویڈیو شیئرنگ پلیٹ فارم یوٹیوب نے اعلان کیا ہے کہ اب اینڈرائیڈ اور آئی او ایس (iOS) کے تمام مفت صارفین کے لیے پکچر ان پکچر (PiP) موڈ متعارف کرایا جا رہا ہے۔ اس سے قبل یہ سہولت صرف ماہانہ فیس ادا کرنے والے ‘یوٹیوب پریمیئم’ صارفین تک محدود تھی، جبکہ ویب ورژن پر یہ سب کے لیے دستیاب تھی۔ اس فیچر کی بدولت اب صارفین یوٹیوب ایپ سے باہر نکل کر موبائل پر دیگر کام کرنے کے دوران بھی ایک چھوٹی ونڈو میں ویڈیو دیکھنا جاری رکھ سکیں گے۔ کمپنی کے مطابق یہ فیچر دنیا بھر کے صارفین کے لیے بتدریج رول آؤٹ کیا جا رہا ہے اور آنے والے مہینوں میں تمام افراد تک اس کی رسائی ممکن ہو جائے گی۔