یوٹیوب نے نئے کریئیٹرز کیلئے کمائی کی شرائط سخت کر دیں

یوٹیوب نے نئے کریئیٹرز کے لیے پلیٹ فارم سے آمدنی حاصل کرنے کی شرائط مزید سخت کرنے کا اعلان کر دیا ہے، جس کے تحت یوٹیوب پارٹنر پروگرام (YPP) میں شامل ہو کر اشتہارات اور یوٹیوب پریمیم سے کمائی کے لیے پہلے سے زیادہ واچ آورز اور شارٹس ویوز حاصل کرنا ہوں گے۔ گوگل کی ملکیت اس پلیٹ فارم کے مطابق نئی پالیسی کا اطلاق یکم فروری 2027 سے نئی درخواستیں دینے والے کریئیٹرز پر ہو گا۔ نئے قواعد کے تحت گزشتہ 365 دنوں میں 8 ہزار اہل واچ آورز یا گزشتہ 90 دنوں میں 2 کروڑ یوٹیوب شارٹس ویوز حاصل کرنا لازمی ہوگا، جو کہ پہلے کے 4 ہزار واچ آورز اور 1 کروڑ شارٹس ویوز کی شرط کے مقابلے میں دگنا ہے۔ تاہم یوٹیوب نے سبسکرائبرز کی کم از کم 1,000 کی شرط میں کوئی تبدیلی نہیں کی ہے۔ واضح رہے کہ اس وقت دنیا بھر میں 30 لاکھ سے زائد کریئیٹرز یوٹیوب پارٹنر پروگرام کے ذریعے آمدنی حاصل کر رہے ہیں۔