اداکار یوسف خان کو مداحوں سے بچھڑے 17 برس بیت گئے
Web Desk
20 September 2026
نصف صدی تک پاکستان کی فلمی صنعت پر بلا شرکتِ غیرے راج کرنے والے نامور اور سینئر اداکار یوسف خان کو مداحوں سے بچھڑے 17 برس بیت گئے، تاہم ان کی جاندار اداکاری، بارعب شخصیت اور یادگار کردار شائقینِ فلم کے دلوں میں آج بھی تروتازہ ہیں۔ 10 اگست 1931ء کو فیروزپور (بھارت) میں پیدا ہونے والے یوسف خان نے اپنے مخصوص اندازِ اداکاری، جاندار ڈائیلاگ ڈیلیوری اور مکالمہ بازی کے ذریعے دہائیوں تک فلم بینوں کے دلوں پر حکومت کی اور پاکستان سینما کو متعدد شاہکار فلمیں دیں۔
یوسف خان نے اپنے طویل اور کامیاب فلمی کیریئر کا آغاز 1954ء میں فلم “پرواز” سے کیا تھا۔ انہوں نے اپنے سفر کے دوران ہیرو سے لے کر ایکشن اور مختلف کردار نبھائے، جبکہ ان کا ڈائیلاگ بولنے کا منفرد انداز انہیں ہم عصر فنکاروں سے ممتاز بناتا تھا۔ ان کی پنجاب کے ثقافتی و ایکشن پس منظر پر مبنی معروف پنجابی فلموں میں ملنگی، یارانہ، باؤ جی، ضدی، وارنٹ، ہتھکڑی، جگنی، شریف بدمعاش، قسمت، جبرو، خطرناک، حیدر خاں اور بڈھا گجر سرِفہرست ہیں۔
ان کی شاندار فنی خدمات کے اعتراف میں حکومتِ پاکستان نے 2006ء میں انہیں صدارتی تمغہ برائے حسنِ کارکردگی (پرائیڈ آف پرفارمنس) سے نوازا، جبکہ انہوں نے فلمی دنیا کے سب سے معتبر ‘نگار ایوارڈ’ اور ‘نگار ملینیم ایوارڈ’ بھی اپنے نام کیے۔ اداکار یوسف خان 20 ستمبر 2009ء کو لاہور میں خالقِ حقیقی سے جا ملے تھے، لیکن ان کے ادا کیے گئے لازوال کردار پاکستانی فلمی تاریخ کا ناقابلِ فراموش باب ہیں۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026