عرصے تک الحاد کی طرف مائل رہی، یشما گل
Web Desk
13 April 2026
نامور پاکستانی اداکارہ یشما گل نے اپنی زندگی کے ایک انتہائی حساس اور جذباتی مرحلے سے پردہ اٹھاتے ہوئے انکشاف کیا ہے کہ وہ ایک طویل عرصے تک الحاد (ایمان سے دوری) کی طرف مائل رہی تھیں، تاہم گہری تحقیق اور مطالعے کے بعد وہ دوبارہ دائرہ اسلام میں داخل ہوئیں۔ ایک حالیہ پوڈ کاسٹ میں گفتگو کرتے ہوئے انہوں نے بتایا کہ ماضی میں وہ اپنے شکوک و شبہات کے حل کے لیے ڈاکٹر ذاکر نائیک سے بھی رجوع کر چکی ہیں، جہاں انہوں نے تقدیر اور انسانی اختیار کے حوالے سے سوال کیا تھا کہ اگر سب کچھ پہلے سے لکھا ہے تو انسان کا اپنا انتخاب کیا معنی رکھتا ہے؟
یشما گل نے تقدیر کی اپنی ذاتی تشریح بیان کرتے ہوئے ایک خوبصورت مثال دی کہ انسان کے سامنے ہر روز کئی دروازے کھلتے ہیں اور وہ اپنی مرضی سے کسی ایک کا انتخاب کرتا ہے، تاہم اس انتخاب کے نتائج پہلے سے اللہ کے علم میں ہوتے ہیں۔ انہوں نے ایمان کو ریڈیو سگنل سے تشبیہ دیتے ہوئے کہا کہ جس طرح ریڈیو پر آواز صاف سننے کے لیے صحیح فریکوئنسی ضروری ہے، بالکل اسی طرح اللہ کی رہنمائی واضح طور پر حاصل کرنے کے لیے ایمان کو نماز اور ذکر کے ذریعے مسلسل “چارج” کرنا پڑتا ہے۔ ان کا ماننا ہے کہ اللہ سے تعلق جتنا مضبوط ہوگا، صحیح دروازہ کھولنے میں اتنی ہی بہتر رہنمائی ملے گی۔
واضح رہے کہ یشما گل نے آسٹریلیا سے نفسیات (Psychology) کی تعلیم حاصل کر رکھی ہے اور انہوں نے 2016 میں شوبز انڈسٹری میں قدم رکھا تھا۔ ان کے اس حالیہ اعتراف اور ایمان سے متعلق گفتگو کو سوشل میڈیا پر کافی سراہا جا رہا ہے، جہاں مداح ان کی ہمت اور سچائی کی تعریف کر رہے ہیں۔ یشما کے مطابق ان کی نفسیات کی تعلیم نے بھی انہیں انسانی رویوں اور خالق کے درمیان تعلق کو سمجھنے میں مدد فراہم کی۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026