سوشل ایپ ایکس کا جنگ سے متعلق اے آئی ویڈیوز ہٹانے کا اعلان

سوشل میڈیا ایپ ایکس (X) نے جنگی حالات کے دوران غلط معلومات کے پھیلاؤ کو روکنے کے لیے اپنی پالیسیوں میں بڑی تبدیلی کر دی ہے۔ انتظامیہ کے مطابق، اے آئی سے تیار کردہ ویڈیوز اور مواد لوگوں کو گمراہ کر سکتے ہیں، جس سے زمین پر موجود حقائق مسخ ہونے کا خطرہ ہے۔

ایکس انتظامیہ کا کہنا ہے کہ ان کی اولین ترجیح صارفین کو مستند اور درست معلومات فراہم کرنا ہے۔ نئی ہدایات کے تحت، اگر کوئی صارف اے آئی کے ذریعے تیار کردہ ویڈیو شیئر کرتا ہے، تو اس کے لیے یہ واضح کرنا لازمی ہوگا کہ یہ مواد مصنوعی ذہانت کی مدد سے بنایا گیا ہے۔ ایسا نہ کرنے کی صورت میں متعلقہ اکاؤنٹ کی اشتہارات سے ہونے والی آمدنی (Revenue) فوری طور پر معطل کی جا سکتی ہے۔